好多人戴到週身都繫手鐲呀、頸鏈呀、戒指呀、耳環呀咁，其實唔止為個「靚」字咁簡單。在玄學角度來睇，唔同質料、動物造型、顏色、形狀飾物，對唔同生肖的人會產生催運作用。羊年將至，各位「龍」兄「虎」弟、「牛」哥「羊」嫂、「馬」仔「兔」女等，都會諗下呢一年戴什麼會有運行，咁就要聽聽玄學家的指點啦。
六合相配添喜慶
選擇動物造型的飾物，先要以「六合」為主：在十二生肖中，有六個生肖，跟另外六個系互相配合的，請睇睇下列附表：即系話如果你肖蛇，就要戴番個馬騮模樣的飾物；相反如果你肖猴，就要戴蛇樣的飾物，咁就有好運伴你過羊年。呢種生肖相配 情況稱為「六合」，六合代表喜慶現象出現，或會帶來桃花運 ！
牛配鼠
豬配虎
蛇配猴
馬配羊
雞配龍
狗配兔
夾對五行好運來
至於飾物質料、顏色及形狀的選擇，林炳南師傅根據十二生肖所需五行，提供以下資料畀大家參考，等各位揀選行運飾物：
鼠馬雞兔
肖鼠、馬、雞或兔的朋友，需要「土」。屬土的顏色包括黃、杏或啡，形狀則為方形。玉器系佢的最佳選擇。
牛虎
肖牛或虎的朋友，需要「水」。屬水 顏色包括黑、深灰或深藍，形狀則為波浪形或不規則一類。水晶至失和佢戴。
狗豬
肖狗或豬 朋友，需要「木」。屬木 顏色包括藍或綠，形狀則為長條形一類。佛珠、皮革、繩或蜜蠟飾物對佢 運程有好大幫助。
猴羊
肖猴或羊的朋友，需要「火」。屬火的顏色包括紅、紫、粉紅、橙或其他鮮艷顏色，形狀則為三角形。鑽石、開光法器、紫水晶、粉紅水晶屬於佢的吉祥飾物。
蛇龍
肖蛇或龍的朋友，需要「金」。屬金的顏色包括白、金或淺灰，形狀則為圓形。金牌、戒指或其他金屬飾物系佢的幸運象徵。
其實 動物造型、質料、顏色及形狀當中，只要任何一項配合你的生肖，咁你在羊年運程就相當唔錯了。但如果多過一項配合（如肖龍的朋友佩戴一件圓形兼系金色飾物），就自然錦上添花啦！
新飾物立春日佩戴
各位或已準備就緒，諗住一踏入年初一就戴上幸運飾物迎新年。但林師傅話，在立春那天（即農曆年初四，即新歷二月四日）的下午1時57分起，先至系羊年的開始，在這個時間之後戴上行運飾物先至系最好。如果你在年初一就戴，即繫在馬年先有效，羊年一到佢的威力就無咁大了！
羊牛鼠龍馬飾物傍身
羊年，肖羊者犯太歲，肖牛者沖太歲，肖鼠或肖龍者刑太歲。而馬及五行中的火同羊系相合，所以呢四個生肖的朋友隨著依照上述資料選擇飾物外，最好亦揀番件馬形玉器、馬形金牌，或者屬火（顏色鮮艷、三角形）的飾物傍身，咁就可以改善你的運程！